Tàm pơrjum, Ủy ƀan Ñân zân kơnhoàl Đức Cơ neh kĭ mờ jàu “Sră nggal cih kah lơh broă bal bơcri priă lơh ai 7 rơndăp broă bơh 7 Cau bơcri priă tàm gah tờm bè phan bơna bơt bơtàu, gah lơh sơnơm, phan lơh sa suơn sre- phan brê mờ phan tàm dà. Đức Cơ là kơnhoàl tiah đah mat tơngai mut càr Gia Lai dê, geh tiah kwơ màng tàm 3 mum bơtàu tơnguh Việt Nam- Lào mờ Campuchia. Kờp tus nam 2023, kơnhoàl Đức Cơ neh geh 13 rơbô lồ tờm kao su, 26 rơbô lồ tờm điều, 9 rơbô lồ tờm kơphê, mờr 1 rơbô lồ sầu riêng mờ 680 lồ tiêu. Bơdìh hơ̆, gah ròng phan bơh kơnhoàl dê kung gam bơtàu tơnguh kơ̆ kơl jăp.

Bơdìh hơ̆, kơnhoàl Đức Cơ geh uă bơta ƀuơn, bơta pràn pa đơs, kơnhoàl Đức Cơ pơlam gùng dà bơtàu tơnguh mờ gơ hòi gơ jà bơcri priă tàm ală rơndăp broă lơh lơh sa suơn sre, bơtàu tơnguh lơh sa suơn sre jat gùng dà tơnguh uă priă lơh geh gơguh tai, ngan là tơnguh uă cồng nha mờ bơta pràn tàm pơrlòng bơh ală phan bơna lơh sa suơn sre tờm bơh kơnhoàl dê tàm drà kă bro.