VOV4.K’ho- Drim ngai 25/5, tàm Hà Nội, Ƀộ Kwang àng mờ Ƀan Tuyên giáo dà lơgar pơgồp bal bơyai lơh Pơrjum jak chài dà lơgar “Mpồl kảñ sát làng bol tàm broă lơh kac màng Việt Nam”. Rlau 100 jơnau cribơyai neh geh pơyua tus pơrjum, đơs tus tơl làm ală broă tàm sră pơ àr mờ broă ngan ngồn bè bơt bơtàu mpồl Kảñ sát làng bol khin cha, niam chài, tài làng bol mờ drơng lơh dùl bă tơl làm, geh broă rơndap lơh.

Đơs nền: Tàm jơh gùt tŭ tơngai tam lơh, bơt bơtàu mờ dờng pràn, mpồl Kảñ sát làng bol sùm lơh ngan, bơsong tơl bơta kal ke, jơh nùs tàm broă lơh, jơh nùs drơng broă làng bol in, dipal mờ 16 akhar biàng geh dà lơgar jờng rơ “Kảñ sát Việt Nam jak chài, khin cha, tài dà lơgar, tài làng bol, huĭ să tờm drơng broă”. Do ngan ngồn là ală broă lơh jak chài jơh nùs, geh bồ tơngoh jak, geh kơnòl, geh tơngume li la ngan, niam ngan, ai gŏ loh làng ngan ală bơta tàm sră pơ àr, bơta geh ngan gơ rềng tus broă lơh bơt bơtàu mpồl Kảñ sát làng bol kac màng, cíñ quy, ngac ngar, jak chài, tam gơl pa.

Cau mblàng K’Duẩn