Nàng rơcang lài ai Pơrjum in, ală anih lơh broă geh gơ rềng neh lam lơh bơt bơtàu broă rơndap lơh; tus tŭ do neh dờp geh 70 jơnau cribơyai. Tơngume ală jơnau cribơyai tơrgùm lơh loh gùng dà mờ bơta đơng lam bơh Đảng dê tàm dơ̆ tam lơh dră wơl bol sò tơm Tây, ngan là bồ tơngoh jak chài bơh Đảng, Củ tịc Hồ Chí Minh, Tổng Quân ủy (tŭ do là Quân ủy dà lơgar), Ƀộ Quôk phòng dê mờ bơta rơcang lài tam lơh bơh ling klàng mờ làng bol he dê tàm Dơ̆ tam lơh Điện Biên phủ nam 1954. Jơnau kơlôi sơnơng lơh loh bơta chài pơgồp bal tam lơh bơh dơ̆ tam lơh dê, jơnau bơh tài geh pha lin, bơta kuơ kah yau mờ ală jơnau bơsram mờng chài bơh pha lin tam lơh Điện Biên Phủ dê.

Pơrjum kờp dŭ rơp geh lơh tàm ngai 27/3 do, pơgồp bơnah tơnguh jơnau git wă kơnòl broă bơh kwang bàng, cau pơgru, cau bơsram, cau lơh broă, cau ling bơh Họk viện Cíñ trị, Ƀộ Quôk phòng mờ kwang bàng, cau lơh broă bơh Viện Kah yau Đảng, Họk viện Cíñ trị dà lơgar Hồ Chí Minh mờ Ƀău Ling klàng làng bol dê gơ wèt mờ broă lơh bơt bơtàu mờ sền gàr Dà lơgar Việt Nam xã hội củ nghĩa tàm tŭ tơngai pa.