Đơs sơnđờm mut pơrjum, Phó Củ tịc Duh broă sùm Quôk hội ồng Trần Thanh Mẫn đơs loh, broă lơh bơh Quôk hội khoă XV mờ Hội đồng Ñân zân tơngai lơh broă bơh nam 2021-2026 neh geh uă tam gơl pa, ai tơlik ală broă lơh nàng lơh jat niam rlau tai gơnoar broă jat sền, bơto pơlam lơh broă bơh Hội đồng Ñân zân dê, bơh broă lơh sir cơng tàng adat boh lam tus broă sơlơ tơnguh lơh ală broă lơh pơgồp bal đah Quôk hội, Ủy ƀan Thường vụ Quôk hội, ală anih lơh broă bơh Quôk hội dê, anih lơh broă gơwèt Ủy ƀan Thường vụ Quôk hội mờ Hội đồng Ñân zân ală càr, ƀòn dờng dê.

Hội đồng Ñân zân kung geh uă bơta pơnđơl pràn lơh ngan, tam gơl pa, bơceh lơh tàm lam lơh jat ală kơnòl broă; lơh jat gùng dà broă lơh bơh Đảng, adat boh lam bơh Dà lơgar dê; lơh gơs ngan ngồn ală Nghị quyết, kơrnoat boh lam, broă lơh dong kờl, lơh geh di tŭ jơnau kờñ geh ngan tàm tơl tiah dê; tă pơgồp kwơ màng tàm broă lơh jat ală jơnau kờñ bơtàu tơnguh lơh sa- mpồl bơtiàn, sền gàr Dà lơgar, lơngăp lơngai, lơh broă mờ lơgar ndai bơh tơl tiah mờ jơh gùt lơgar dê.