Tàm pơrjum, ală kwang bàng neh đơs ală bơta mờng chài lơh broă, jòi sền tŭ tơngai niam lơh broă bal tàm gah bơt bơtàu, bơtàu tơnguh tiah drà mờ ƀòn lơgar bơh ală lơgar tàm mpồl Asean mờ Lo, bơh hơ̆ pơgồp bơnah lơh jăt geh cồng nha broă lơh Pơrjum nam 2030 bè bơtàu tơnguh kơ̆ kơl jăp bơh Liên hợp quôk dê.

Đơs tàm do, Ƀộ trưởng xây dựng ồng Nguyễn Thanh Nghị pà gĭt, Việt Nam gơwèt tàm mpồl 10 lơgar lam lài kong uă bơta trồ tiah lơh aniai, tam gơl trồ tiah tàm dunia. Ƀộ trưởng ồng Nguyễn Thanh Nghị neh đơs ală nùs nhơm mờ pơlam gùng dà bơtàu tơnguh tiah drà kơ̆ kơl jăp, tơlir, ngăc ngar, gơ dờp mờ tam gơl trồ tiah, tơrmù nhơm ƀơ̆ tuh tơlik bơdìh, ai kòn bơnus lơh tờm mờ ờ gŏ lời cau lơi gơtìp lời wơl bơh ngkời. Ƀộ trưởng pin dờn là, cồng nha pơrjum do bal mờ jơnau yal bơr “Dùl nùs bal Nam Ninh” rơ̆p pơgồp bơnah kwơ màng, geh ngan tàm broă bơtàu tơnguh lơh broă bal tơl làm Asean mờ Lo đơs bal, lơh broă bal Asean mờ Lo tàm gah bơt bơtàu đơs is gơguh tàm dùl gơnoar broă pa pràn kơl dang rlau, geh ngan ngồn rlau tai.