Tàm Jakarta, lơgar Indonesia, Đại sứ ồng Vũ Hồ, Kwang ătbồ ing SOM Asean Việt Nam lam bồ mpồl kwang bàng Việt Nam lòt Pơrjum Kwang bàng kâp dờng Asean (SOM) mờ Dơ̆ pơrjum dơ̆ 15 Mpồl Lơh broă Mpồl duh broă pơgồp bal đơng pơlam Asean (ACCWG) bè lơgar Timor Leste mŭt bal tàm mpồl Asean.

Ală pơrjum dơ̆ do nàng kờñ rơcăng ai Pơrjum Kwang bàng kâp dờng Asean dơ̆ 42 in mờ ală pơrjum Ƀộ trưởng Ngoại giao rơ̆p geh lơh tàm nhai 05 nam 2023 do tàm lơgar Indonesia. Tàm Pơrjum SOM, ală kwang bàng kâp dờng Asean neh jơh nùs cribơyai mờ sền bal neh ring bal gùng dà lam lơh jăt ală tơngume ai lơh lài bơh Asean dê tàm nam 2023, tàm hơ̆ geh, chồl tơnguh gơguh lơh sa mờ bơtàu tơnguh wơl; tơnguh uă pràn jak mờ cồng nha kơrnoăt boh lam bơh Asean dê; tam dră wơl mờ ală bơta lòng lơngăp lơngai ờ hềt geh bơh lài. Tàm dơ̆ pơrjum dơ̆ 15 Mpồl lơh broă Mpồl duh broă pơgồp bal đơng pơlam Asean bè Timor Leste dan mŭt bal tàm mpồl Asean, ală lơgar dùl nùs bal pơn jăt tai dong kờl lơgar Timor Leste tơnguh uă pràn jak, rơhời lơh geh ală broă jàu lơgar tàm mpồl bơh Asean dê.