Nam 2023, gơguh lơh sa lơgar Việt Nam dê kung gam geh rlau 5%. Khà hìu bơnhă rƀah pơn jat tai gơmù gam 3%. Tă ngui gàr niam rài kis mpồl bơtiàn pơn jat tai geh lơh lài uă ngan mờ gàr niam tàm khà mờr 3% GDP tàm uă nam. Nam 2023, Việt Nam pơn jat tai tăc phan mờ lơgar ndai rlau 8 tơlak tấn phe, pơgồp bơnah gàr tơl kòi phe mờ gơnoar geh dờp kòi phe ai gĭt nđờ tơlak nă cau tàm ală tiah tàm dunia.

Bơh jơnau đơs, Ƀộ trưởng Bùi Thanh Sơn kờñ lơh gơrề uă tus mờ gơ̆p bơyô tàm dunia jơnau sồr bơh jơnau yal lơgar Việt Nam dê là: Bơta lơgar Việt Nam kờñ bơsram geh tàm uă nam do là ală gơnoar kòn bơnus gơtùi geh gàr niam ngan rlau jơh tŭ geh ring lơngai, kơ̆ kơl jăp mờ sền dờng màng adat boh lam dunia dê, tàm hơ̆ Dà lơgar ơn làng bol tàm anih tờm tàm tơl broă lơh bơh he dê nàng gàr niam bơtàu tơnguh tơl làm mờ kơ̆ kơl jăp.