Mut pơrjum, Kwang atbồ lơgar Indonesia ồng Joko Widodo đơs, pơrjum kwang bàng kâp dờng mpồl ASEAN dơ̆ do geh lơh tàm tŭ tơngai lơh sa dunia ờ hềt bơtàu tơnguh wơl tơl làm, tàm pơrlòng broă rơndap lơh lơgar dờng gơguh uă, bal mờ uă tam gơl kal ke, ờ gơtùi git lài. Kwang atbồ lơgar Indonesia pin dờn là, tam klac mờ pơn đơl pràn bal bơh jơh ală lơgar tàm mpồl ASEAN dê là bơta lài ngan nàng ASEAN ngui pràn gơnoar broă tề lam ring lơngai mờ gơguh lơh sa tiah do.

Thủ tướng Cíñ phủ ồng Phạm Minh Chính nting bơr gờm chờ ồng Joko Widodo mờ lơgar Indonesia dờp kơnòl broă dờng màng lơh Củ tịc ASEAN nam 2023. Thủ tướng đơs loh, tam klac là bơta pràn dờng ngan, mờ pal ai tơnggŏ bơh bồ tơngoh mờ broă lơh ngan ngồn. Lơh kơ̆ kơljap bơta tam klac mờ tơrgùm dùl là kơnòl tờm ngan ai dùl ASEAN lơngăp lơngai is mờ brồ guh is in.