Pơrjum geh tơngu me “Tài broă tơnguh bơtàu kơl jăp mờ tơl ală bơta” mờ broă tus bal bơh rơlao 60 tiah đah bàr lơgar geh bal ală mpồl lơh broă bal, ală mpồl lơh sa kă bro.

Sơn đờm Pơrjum, Ƀí thư Thàñ ủy Hà Nội ồng Đinh Tiến Dũng pà git, tus tŭ do geh rơlao 38 tiah tàm lơgar Tây mờ 18 càr, ƀòn dờng tàm lơgar Việt Nam tus lơh broă bal, mờ 240 rơndăp broă ală tiah đah bàr lơgar tàm uă gah broă bè lơh sơnơm, bơto bơtê, prăp gàr phan tềl kah yau, mpồl bơtiàn đơs dà lơgar Tây, tơnguh bơtàu ƀòn lơgar, tơnguh bơtàu kơl jăp... Đơs tàm Pơrjum, Phó Thủ tướng ồng Trần Lưu Quang đơs niam tơngu me bơh pơrjum dê “Lơh broă bal đah ală tiah bơta pràn brồ guh wơl tơnguh bơtàu kơl jăp tơl ală bơta tơnơ̆ mờ kòp Kovid-19”, pơn jờng Hà Nội neh geh bơceh pa bơyai lơh pơrjum geh kwơ do. Do là dùl tàm ală gah broă kwơ màng nàng lơh pràn broă lơh bal đah ală tiah mờ tìp bal làng bol đah bàr lơgar.