VOV4.K’ho - Ngai òr (27/09), tàm hìu Quốk hội, Củ tịc Quốk hội ồng Vương Đình Huệ neh đơng lam Pơrjum lơh jăt broă jăt sền bơh Quốk hội dê nam 2023, tơrbŏ bal tàm internet mờ 49 mpồl kwang bàng ala măt Quốk hội ală càr, ƀòn dờng.

Đơs tàm Pơrjum, ală kwang bàng đơs, tàm tơngai do, broă jăt sền bơh Quốk hội dê neh geh gơguh mờ geh broă tam gơl pa, ngai sơlơ gơguh bơta pràn, cồng nha, lơh geh uă cồng nha kwơ màng, geh cau tĕ khà bal mờ làng bol đơs niam. Nàng lơh geh cồng nha broă jăt sền bơh Quốk hội dê, Ủy ƀan Thường vụ bơh Quốk hội dê nam 2023, Củ tịc Quốk hội ồng Vương Đình Huệ sồr, ală anih lơh broă bơh Quốk hội dê, anih lơh broă geh gơnoar ai broă tơnguh cồng nha broă jăt sền là dùl tơngu me kwơ màng, broă lơh tờm tàm broă tam gơl pa bơyai lơh mờ lơh broă bơh Quốk hội lơgar Việt Nam dê jăt nùs nhơm, gùng dà broă lơh bơh Đảng bè bơ̆t bơtàu Dà lơgar gơnoar adăt boh lam XHCN bơh Làng bol, geh làng bol, tài làng bol.

VOV.vn/Cau mblàng ndong Brawl