Lơh jăt broă pơgồp bal bàr gah rơcang yal mblàng tus làng bol, làng bol kòn cau ală gùng dà broă lơh, Nghị quyết bơh Đảng, adăt boh lam bơh Dà lơgar bè broă kòn cau, broă dong kờl kòn cau mờ tam klăc dờng gùt jơi bơtiàn kòn cau. Mờ bơyai lơh ală broă yal mblàng, lam sồr làng bol ală kòn cau tus bal lơh jăt ală broă lơh jăt jơnau kờñ dà lơgar dê.

Đơs tàm dơ̆ đơng lam pơrjum, ồng Đỗ Văn Chiến, Củ tịc Ủy ƀan Mặt trận Dà lơgar Việt Nam đơs niam broă pơgồp bal bơh bàr gah neh pơgồp bal mùl màl tàm broă bơ̆t bơtàu broă lơh; sồr tàm tơngai tus, bàr gah pơgồp bal lơh geh cồng nha ală broă lơh, rơndăp broă tơnguh bơtàu tiah làng bol kòn cau, tàm hơ̆ uă ngan là broă lơh jăt jơnau kờñ dà lơgar dê tơnguh bơtàu lơh sa mpồl bơtiàn tàm tiah làng bol kòn cau, tiah kơh bơnơm tơngai bơh nam 2021 tus 2030.