VOV4.K’ho - Lơh jăt Broă sền sơwì bơh Ƀộ Cíñ trị, Ƀan Ƀí thư nam 2022, drim òr (07/09), tàm Hà Nội, Mpồl kwang bàng sền sơwì bơh Ƀan Ƀí thư geh Ƀí thư Đảng dà lơgar, Kwang atbồ Ƀan Tuyên giáo Dà lơgar ồng Nguyễn Trọng Nghĩa lam bồ mpồl neh lơh jăt broă tus sền tàm Ƀan lơh broă bal mờ lơgar ndai Dà lơgar dê.

                Kwang atbồ Ƀan Tuyên giáo Dà lơgar ồng Nguyễn Trọng Nghĩa geh jơnau đơs tàm pơrjum

Đơs tàm pơrjum, Kwang atbồ Ƀan Tuyên giáo Dà lơgar ồng Nguyễn Trọng Nghĩa sồr, Ƀan lơh broă bal mờ lơgar ndai dà lơgar pal pơn jăt tai lơh jăt ală Nghị quyết, jơnau đơs pơn dŭt, kơrnoăt niam rơlao di jăt mờ nùs nhơm đơng lam bơh Ƀộ Cíñ trị, Ƀan Ƀí thư dê tàm broă lơh, rơndăp broă lơh neh geh ai. Mờ đơs loh, Ƀan lơh broă bal mờ lơgar ndai Dà lơgar pơn jăt tai đơng lam, lam sồr, bơyai lơh jăt niam ală tơngu me do, pal geh jơnau sền wơl bè bơta tŭ do, ală broă gam kal ke, gơkòl nàng geh ală jơnau bơsong. Bal mờ hơ̆, pal lơh geh uă ală broă lơh niam tàm broă lơh jăt broă bơ̆t bơtàu Đảng.

Cau mblàng Ndong Brawl