VOV4.K’ho- Drim ngai 31/05, Ƀộ Nội vụ bơyai lơh pơrjum lơh jăt Ngai Dunia ờ iù jràu, tơngleh dà lơgar ờ iù jràu mờ mblàng yal rơcăng sơndră bơta gơ aniai bơh iù jràu dê bơh Ƀộ Nội vụ dê nam 2022.

Đơs tàm dơ̆ pơrjum, ồng Vũ Đăng Minh, Kwang ătbồ Cơldŭ lơh broă Ƀộ Nội vụ pà gĭt, wèt tus dùl tiah ơm kis ờ iù jràu, Ƀộ Nội vụ neh geh uă broă lơh, bè: lĭp, pà sră pang rơcăng sơndră bơta gơ aniai bơh iù jràu dê; mblàng yal bơto yal Adat Rơcăng sơndră bơta gơ aniai bơh iù jràu dê; kràñ cê kơryan chu iù jràu tàm anih lơh broă, mpồl lơh broă; ai jơnau kơryan ờ ai chu iù jràu tàm tơngume pal jăt, bơta pal jăt, bơta niam chài tàm anih lơh broă. Tàm tơngai tus, Ƀộ Nội vụ kung geh pơn jăt tai mblàng yal bè bơta gơ aniai bơh broă ngui iù jràu dê, ngan là ală tơngume gơrềng tơn tus kơnòl bơh cau lam bồ, kơnòl bơh cau chu iù jràu dê.

Cau mblàng Lơ Mu K’Yến