Pơrjum do nàng sền swì, lơh nền bàr pe tơngume gơwèt gơnăp gơnoar geh bơta jal mhar, kwơmàng nàng kờñ lơh jăt niam kơnòl broă bơtàu tơnguh lơh sa- mpồl bơtiàn nam 2023 mờ ală nam pơn jăt tai.

Tàm dơ̆ pơrjum do, Hội đồng Ñân zân càr Dăk Lăk sền swì, lơh nền ală tơngume gơwèt gah broă priă jền, ngân hàng, ù tiah, bơcri priă dà lơgar, ală broă lơh jơnau kờñ dà lơgar; Kơrnoăt Cih ală khà tam gơl giă ù ngui ai nam 2023 in tàm ù tiah càr Dăk Lăk; Kơrnoăt ai gơnoar tơn jŏ lơh jăt mờ ai priă broă rơndăp lơh bơcri priă dà lơgar nam 2022 tus nam 2023 in priă ai bơh kes priă ƀòn lơgar; Kơrnoăt bè bơtơl priă ai bơh kes priă càr ai Rơndăp broă lơh bơcri priă lơh gùng Hồ Chí Minh gơl gùng pleh tiah đah mat tơngai lik ƀòn dờng Buôn Ma Thuột (tài bơh gơguh priă tă ai ù lơh gùng)...