VOV4.K’ho- Drim ngai 29/7, tàm hìu lơh broă Cíñ phủ, Mpồl đơng lam tơn jơh lơh jat Adat Ù tiah mờ bơt bơtàu Rơndap lơh Adat Ù tiah (tam gơl) pơrjum dơ̆ 1. Phó Thủ tướng Cíñ phủ ồng Lê Văn Thành, Kwang atbồ mpồl đơng lam neh đơng lam dơ̆ pơrjum. Jat Ƀộ Tài nguyên mờ Môi trường yal, tơnơ̆ rlau 8 nam lam lơh jat Adat Ù tiah, broă lơh atbồ ù tiah neh lơh geh ală cồng nha kuơmàng. Bulah bè hơ̆, tàm broă lơh jat adat kung gam geh ală bơta ờ niam, bè: Rơndap ù tiah ờ hềt gàr bơta tơrgùm bal jơh ală bơta, bơta ndrờm bal mờ ring bal; broă ai wơl ù, tơm wơl priă, dong kờl, rơndap ƀòn ơm kis pa geh tiah ờ hềt gàr niam, gàr ring bơta kuơ bơh làng bol dê; tam pìt tam phà, yal yă, yal khài mờ lơh tìs adat boh lam bè ù tiah kung gam gơlik geh kal ke...

Bè hơ̆ den tàng broă bơt bơtàu Rơndap lơh Adat Ù tiah (tam gơl) là pal geh ngan. Đơs pơn dut pơrjum, Phó Thủ tướng ồng Lê Văn Thành sồr mpồl cih bơt bơtàu Rơndap lơh Adat Ù tiah (tam gơl) pal lơh jat Nghị quyết sồ 18 bơh Pơrjum dơ̆ 5, Ƀan Cấp hàñ Đảng dà lơgar khoă 13 dê nàng gàr niam tơnguh cồng nha atbồ mờ ngui ù, lơh gơlik bơta pràn ai lơgar he gơ gơs lơgar bơtàu tơnguh geh priă jền lơh geh uă.

Cau mblàng K’Duẩn