Tàm pơrjum, ală kwang bàng neh cribơyai, ai tơlik ală broă lơh bơtàu tơnguh lơh sa- mpồl bơtiàn 6 nhai lồi nam.

Đơs tàm pơrjum, ồng Phạm Ngọc Nghị, Phó Ƀí thư Tỉñ ủy, Củ tịc Anih duh broă Làng bol càr Dăk Lăk sồr ală kấp ủy, gơnoar atbồ, ală gah pơn jat tai tam gơl pa, tơnguh uă bơta niam, cồng nha lơh broă đơng lam, lòt sền, sồr lơh ngan lam lơh jat ală Jơnau lơh nền tàm pơrjum, Jơnau sồr bơh Dà lơgar, bơh càr dê; sơlơ tơnguh tai lòt sền, jat sền, tơnguh uă bơta niam lơh broă tàm dơlam is, rcang lài kơryan sa kuề sa kuà, pơhì pơhà, bơta ờ niam mờ tam gơl drơng broă sră nggal. Is ồn, ală tiah mpồl lơh broă pal rcang lài, ngăc ngar bơsong ală broă pa gơlik geh.