Jat kơrnoat tơlik mat Mpồl lơh broă tam gơl pa sră nggal bơh Thủ tướng Cíñ phủ dê pa ai lơh jăt, Mpồl lơh broă geh 15 nă Kwang bàng, Phó Thủ tướng Cíñ phủ ồng Trần Lưu Quang lơh kwang atbồ mpồl. Mpồl lơh broă neh sền gĭt kơnòl broă tờm tam gơl pa sră nggal pal tơrgùm đơng lam mhar ngan ală nhai lồi nam jăt kơnòl broă bơh tơl Ƀộ, anih lơh broă ndrờm mờ Ƀộ.

Jat hơ̆, lơh jăt tơrmù lơh ƀuơn jơnau sồr kă bro, sră nggal, sră pơ àr làng bol neh geh kĭ tàm hơ̆ geh rlau 120 sră nggal, mpồl sră nggal, sră pơ àr làng bol bơh 16 ƀộ, anih lơh broă. Rlau 400 kơrnoat kă bro, mpồl lơh nền kă bro bơh 9 ƀộ, anih lơh broă. Kờp sền, yal mờ Thủ tướng Cíñ phủ rơndăp broă lơh ală bơta tơrmù, lơh ƀuơn 13 mpồl jơnau sồr, sră nggal tờm gơwèt gơnăp gơnoar atbồ bơh 9 ƀộ dê, tàm hơ̆ geh 2 mpồl bal bơh ală Ƀộ, anih lơh broă geh gơrềng.