Tơnơ̆ tŭ iăt, kơno ală jơnau đơs, đơs pơndŭt tàm dơ̆ lơh broă Thủ tướng Cíñ phủ ồng Phạm Minh Chính đơs sùm, rơndăp sèng wơl Anih lơh broă sră pơ àr gơnoar atbồ kấp kơnhoàl, kấp xã dong tơrgùm priă jền, lơh jat niam bơta pràn, bơta ƀuơn, lơh geh bơta ƀuơn ƀoài lơh jat niam phan bơna ù tiah, ală bơta geh is, cau lơh broă mờ gơ hòi gơ jà bơcri priă.

Tàm tơngai tus Thủ tướng sồr tơrgùm đơng lam, sồr lơh bàr pe kơnòl broă tờm tàm hơ̆ sơñio loh làng, tơrgùm lơh niam broă lơh mblàng yal, lơh geh bơta ring bal uă ngan bè bơta gĭt wă, bơta dùl nùs bal tàm ală rơnàng làng bol tàm ală tiah dê, pal lam lơh jat niam, nền non, jơh nùs hòi jà, pơn jờng, lơh geh bơta ring bal tàm jơh ală anih lơh broă cíñ trị, bơta dùl nùs bal, dong kờl bal bơh làng bol dê. Pal geh bơta mut lơh bal jơh nùs, geh kơnòl mờ pơgồp bal niam mờ ală Bộ, ngàñ Dà lơgar mờ ală tiah dê, ngan là kấp ủy, gơnoar atbồ ală tiah lơh jăt broă lơh rơndăp tăp sèng wơl.