Tàm pơrjum, Ồng Đỗ Văn Chiến, Ƀí thư Đảng Dà lơgar, Củ tịc Ủy ƀan Mặt trận Dà lơgar Việt Nam, Phó Củ tịc Mpồl duh broă pơrlòng – Pơn jờng Dà lơgar neh jờng rơ mờ đơs nền cồng nha pơrlòng 05 ƀòn dờng pơgồp bal kwơ màng tàm broă bơtàu tơnguh lơh sa mpồl bơtiàn gùt lơgar dê.

Đơs nền, nam 2024 là nam geh kwơ màng ngan, tơnguh pràn nàng lơh gơs ală jơnau kờñ lơh sa mpồl bơtiàn mờ Pơrjum dờng dơ̆ 13 Đảng dê neh ai mờ broă lơh sa jŏ jòng 5 nam tơngai bơh nam 2021 tus 2025 mờ nghị quyết Pơrjum dờng Đảng ală ƀòn dờng dê. Den tàng, ală ƀòn dờng pal lơh jăt tơngu me đơng lam nam 2024 bơh Cíñ phủ nàng ai geh tơngu me đơng lam bơh tơl ƀòn dờng dê, lam lơh pơrlòng kờñ gơboh mờ dà lơgar nền nòn, lam ală làng bol, ală mpồl lơh sa kă bro tơmù bơta kal ke, lơh ngan lơh gơs broă rơndăp lơh neh geh ai bơh nhai sơnrờp, quý sơnrờp tàm nam dê.