VOV4.K’ho - Drim òr (11/08), Thủ tướng Cíñ phủ ồng Phạm Minh Chính đơng lam pơrjum Thủ tướng Cíñ phủ mờ mpồl lơh sa kă bro nam 2022 mờ tơngu me “Rơcang lài gơdờp bal, brồ guh wơl mhar mờ tơnguh bơtàu kơl jăp”.

                          Thủ tướng Cíñ phủ ồng Phạm Minh Chính geh jơnau đơs tàm pơrjum

Pơrjum geh bơyai lơh jăt broă lơh pờ tơlik tàm internet bơh bồ anih pờ tàm hìu lơh broă Cíñ phủ mờ UɃÑZ 63 càr, ƀòn dờng. Đơs tàm pơrjum, Thủ tướng Cíñ phủ ồng Phạm Minh Chính đơs tờm, tài dùl mpồl bơtiàn mpồl lơh sa kă bro rơcang gơdờp bal, tơnguh bơtàu mờ kơl jăp, pơgồp bal bơ̆t bơtàu dùl lơgar Việt Nam pràn kơl dang mờ pas gơs, Cíñ phủ, Thủ tướng Cíñ phủ sùm lòt bal, lơh broă bal, tam pà bal, iăt uă ngan ală jơnau đơs bơh ală mpồl lơh broă, mpồl bơtiàn mpồl lơh sa kă bro, mờ sồr mpồl bơtiàn mpồl lơh sa kă bro, cau lơh sa kă bro pơn jăt tai gàr kơl jăp nùs nhơm pin dờn, tơnguh uă nùs nhơm tam klăc bal, pràn kơl dang sơrlèt mờ kal ke.

Cau mblàng Ndong Brawl