VOV4.K’ho- Drim ngai hìng 29/05, tàm càr Sơn La geh lơh Pơrjum Thủ tướng Cíñ phủ tìp măt tơm bơh bơr mờ cau lơh broă sa Việt Nam nam 2022 geh tơngume “Bơtơl pràn, dong kờl cau lơh broă sa; lơh jăt broă lơh bơtàu tơnguh lơh broă sa sươn sre, ƀòn lơgar kơ̆ kơl jăp”. Pơrjum geh bơyai lơh pơrjum tơn tàm Sơn La mờ pờ tàm internet mờ 62 anih tàm tơrbŏ tàm jơh gùt lơgar. Tàm hơ̆, geh 300 nă cau lơh broă sa pơnrơ ala măt ai 12 tơlak nă cau tàm mpồl cau lơh broă sa tàm jơh gùt lơgar in tus bal tìp măt.

Ƀlàng dờng Tây Bắc, ƀòn dờng Sơn La

Do là pơrjum kwơmàng nàng cau ala măt cau lơh broă sa, hợp tak xã lơh broă sa sươn sre, mpồl lơh sa kă bro, ală mpồl cau, cau dùl nă să is, cau jak chài lơh broă tàm gah broă lơh sa sươn sre, ƀòn lơgar tàm gùt lơgar in đơs tơn mờ Cíñ phủ bal mờ Thủ tướng Cíñ phủ bè ală kal ke, kòl yan tàm broă lam lơh jăt ală kơnòl broă bè bơtàu tơnguh lơh broă sa sươn sre, cau lơh broă sa mờ ƀòn lơgar. Sơnđờm ai pơrjum do in, mang do 28/05 geh lơh Dơ̆ sơnđờm mŭt lơh Festival plai chi mờ phan bơna OCOP Việt Nam nam 2022 tàm ƀlàng dờng Tây Bắc, ƀòn dờng Sơn La.

Cau mblàng Lơ Mu K’Yến