Thượng tướng ồng Lương Tam Quang, Kwang geh jơng tàm Đảng Dà lơgar, Thứ trưởng Ƀộ Kwang àng, Kwang atbồ Tiểu ƀan Lơngăp lơngai, rơndap tap sèng neh đơng lam dơ̆ pơrjum. Jơnau sồr gàr niam lơngăp lơngai, rơndap tap sèng gơ wèt mờ dơ̆ bơyai lơh tơngkah 70 nam tam lơh pha lin Điện Biên Phủ mờ ală broă dờng geh Ƀộ Kwang àng sồr lơh dờng ngan. Jat gơnăp gơnoar, kơnòl broă geh jàu, Kwang àng ală mpồl, ală tiah jơh nùs lơh jat jơnau kờñ, jơnau sồr, tơngai geh ai. Thứ trưởng ồng Lương Tam Quang đơs nền, tơngai tus, geh 3 broă dờng bơh dà lơgar dê geh lơh tàm Điện Biên mờ Đà Nẵng. Kwang àng ală mpồl, ală tiah pal ring bal jơnau git wă nùs nhơm jơnau kờñ dờng ngan rlau jơh hơ̆ là gàr niam lơngăp lơngai ai ală broă, pơrjum do in geh cồng nha; ờ lời gơlik geh bơta lơi nisơna. Đơs nền, do là kơnòl broă cíñ trị kuơmàng bơh jơh gùt mpồl kwang àng  ală mpồl, ală tiah dê, ờ gŏ di sền ờ sơp, roh bơta rơcang ngac; rơcang lài git broă gơlik geh, bơsong jơh ală broă gơ rềng tus lơngăp lơngai, rơndap tap sèng bơh tàm kâp hơ đơm tơn.