Pơrjum geh UɃÑZ càr Khánh Hoà pơgồp bal mờ Ƀộ Ngoại giao, Đại sứ quán lơgar Indonesia bơyai lơh, mờ broă tus bal bơh rơlao 350 nă kwang bàng ala măt. Tŭ do, tàm mpồl ASEAN, lơgar Indonesia là lơgar kă bro dờng dơ̆ 3 lơgar Việt Nam dê, gam lơgar Việt Nam là lơgar kă bro dờng dơ̆ 4 lơgar Indonesia dê.

Tơngai do, priă kă bro bal đah bàr lơgar neh gơguh pràn bơh 9 tơmàn dolar Mỹ tàm nam 2019 neh gơguh tus 14 tơmàn dolar Mỹ tàm nam 2023. Bàr lơgar gam lơh broă bal tàm uă gah broă bè lơh sa suơn sre-phan tàm dà, lòt nhơl, tìp bal làng bol, bơto bơtê mờ bơsram… Tàm pơrjum, kwang đơng lam càr Khánh Hoà mờ ală kwang bàng ala măt tus bơh lơgar Indonesia geh cri bơyai bal bè tơnguh lơh broă bal ală gah broă bè lơh sa suơn sre ngui măi mok pa, phan tàm dà kơl jăp, lơh sa sồ mờ lơh broă bal lòt nhơl, lơh pràn broă tăc mờ blơi phan mờ lơgar ndai.