Pơgap mờ do 94 nam, ngai 03/02/1930, Đảng Kộng sản Việt Nam geh tơlik mat, lơh tềl broă lơh kwơ màng ngan rlau jơh tàm rài kah yau kăc màng lơgar he dê. Tơnơ̆ mờr 40 nam tam gơl pa, Dà lơgar neh lơh geh ală cồng nha dờng màng, geh gơtha kah yau. Bơh dùl Dà lơgar rƀah rbừp, bơr ngơl gơla, lơgar Việt Nam neh brồ guh gơ gơs Dà lơgar bơtàu tơnguh, rài kis phan bơna mờ nùs nhơm bơh làng bol dê geh tam gơl.

Đơs tàm dơ̆ tìp mat, Kwang atbồ Ƀan Tuyên giáo Dà lơgar Nguyễn Trọng Nghĩa đơs loh: nam 2024, nàng lơh sir niam ngan gơnoar broă, kơnòl broă; pơn jat tai ngui niam gơnoar broă bơh Ƀan Tuyên giáo Dà lơgar dê gơwèt mờ broă lơh bơt bơtàu Đảng, bol he pal lơh jat niam ngan ală cồng nha, jơnau bơsram mờng chai lơh broă neh geh, bơsong ală bơta ờ pràn, ờ niam gam geh. Di dơ̆ do, 4 nă kwang bàng đảng viên bơh Đảng ƀộ Anih lơh broă Ƀan Tuyên Giáo Dà lơgar dê neh geh dờp Gai lòng 40 sơnam Đảng mờ Gai lòng 30 sơnam Đảng.