Đơs tàm pơrjum, Phó Thủ tướng ồng Lê Minh Khái đơs tờm, tàm tơngai tus drà kă bro dunia geh tơngŏ gơmù; lơh sa kă bro tìp uă kal ke, lơh gơrềng ờ niam tus mờ broă lơh, lơh broă, priă geh bơh cau lơh broă, hoàc huơr bơh kòp kovid-19 tơnjŏ tơngai, rềs àr bơh trồ tiah, mìu càl dờng dà tih dà cò ờ di mờ bè ờs, kal ke tàm broă yal lài...

Den tàng kơnòl “Ờ geh cau lơi gơtìp sơbì is hờ tơnơ̆” geh ai tàm broă lơh jăt broă dong kờl tơmù rơƀah kơl jăp là kal ke ngan. Den tàng, Phó Thủ tướng sồr, Ngân hàng Dà lơgar Việt Nam đơng lam Ngân hàng Cíñ sác xã hội tơrgùm sền wơl, tam gơl, bơtơl, lơh gơs ală kơrnoăt tàm adăt boh lam; ai geh kơrnoăt, broă lơh gơrềng tus mờ broă ai càn priă jăt broă dong kờl mpồl bơtiàn bè hòi jà, atbồ mờ ngui geh cồng nha rơlao ală bơta pràn ai càn priă dong kờl mpồl bơtiàn in.