Tàm quý I, gùt lơgar neh gơlik geh 2 rơbô 346 dơ̆ rềs àr tàm gùng lòt, lơh chơ̆t rơlao 1 rơbô 400 nă, gơtìp sồt să rơlao 1 rơbô 500 nă cau; pơn drờm mờ tŭ do nam lài rềs àr tàm gùng lòt gơmù jơh 3 gah broă bè khà dơ̆, khà cau chơ̆t mờ khà cau gơtìp sồt să.

Geh 14 tiah gơmù rơlao 40% khà cau chơ̆t là: Đà Nẵng, Đăk Nông, Long An, Cần Thơ, Thái Nguyên, Phú Thọ, Bắc Giang, Điện Biên, Lai Châu... Mơya gam 16 tiah geh khà cau gơtìp chơ̆t tài rềs àr bơh gùng lòt gơguh pơn drờm mờ tŭ do nam lài. Jơnau đơs pơn dŭt pơrjum, Phó Thủ tướng ồng Trần Lưu Quang sồr, tàm tơngai tus bơdìh mờ broă tus bal bơh ală ƀộ, gah lơh broă dà lơgar, ală càr, ƀòn dờng pal lơh pràn broă yal mblàng nàng tơnguh uă jơnau git wă bơh cau lòt tàm gùng mờ gàr niam bơta lơngăp lơngai tŭ lòt tàm gùng.