VOV4.K’ho - Drim òr (21/02), tàm Hìu Quốk hội, Củ tịc Quốk hội ồng Vương Đình Huệ mờ ală Phó Củ tịc Quốc hội đơng lam pơrjum tơn jơh broă lơh Hội đồng Ñân zân ală càr, ƀòn dờng tiah hờ đah tô dà lơgar nam 2021 mờ lơh jăt rơndăp broă lơh nam 2022.

Nàng tơmù ală kal ke tàm broă lơh bơh Hội đồng Ñân zân tàm tơngai do mờ tơnguh cồng nha broă lơh Hội đồng Ñân zân tàm nam 2022, Hội đồng Ñân zân ală kấp pơn jăt tai tam gơl pa bè broă lơh, gùng dà broă lơh, tơnguh uă bơta niam broă lơh bơh Hội đồng Ñân zân tàm tơngu me lơh mùl màl jơh Nghị quyết Pơrjum dờng dơ̆ 13 Đảng dê, Nghị quyết Quốk hội, Cíñ phủ, Nghị quyết đảng ƀộ càr, ƀòn dờng mờ adăt boh lam bơh Dà lơgar, Hội đồng Ñân zân lơh geh cồng nha broă “Tơnguh uă bơta niam, lơh geh cồng nha broă lơh bơh Hội đồng Ñân zân ală kấp tơngai bơh nam 2021 tus 2026” nàng Hội đồng Ñân zân mùl màl là anih lơh broă tờm dà lơgar tàm ală càr, ƀòn dờng, ala măt bồ tơngoh, nùs nhơm kơ̆p kờñ mờ gơnoar lơh tờm bơh làng bol dê.

Cau mblàng Ndong Brawl