Drim ngai 2/04, tàm càr Khánh Hòa, Pơrjum yal rơndap ù tiah mờ hòi jà bơcri priă càr Khánh Hòa nam 2023 bơh Ƀộ Kế hoạc mờ Đầu tư pơgồp bal mờ càr Khánh Hòa bơyai lơh neh geh bơyai lơh. Thủ tướng Cíñ phủ ồng Phạm Minh Chính tus bal mờ đơs sồr lơh.

Pơrjum yal broă rơndap ù tiah mờ hòi jà bơcri priă tàm càr Khánh Hòa nam 2023 là dùl broă lơh geh gơtha kwơ màng ngan, di tàm dơ̆ tơngkah kir sơnrai 370 nam bơt bơtàu mờ bơtàu tơnguh càr Khánh Hòa mờ 48 nam Ngai tơng klàs càr Khánh Hòa. Bè gùng dà pơlam, kơnòl broă, gùng dà broă lơh tờm tàm tơngai tus, Thủ tướng Cíñ phủ ồng Phạm Minh Chính sồr, càr Khánh Hòa mhar lơh sir, lam lơh geh cồng nha ală rơndap ù tiah, ngan là ală rơndap ù tiah kwơ màng neh geh ring bal mờ geh yal, nàng tam pà, atbồ ring bal, gàr niam bơta lơh bal, dùl ròt bal, geh cồng nha mờ bơtàu tơnguh kơ̆ kơljap mờ rơndap broă lơh jŏ tơngai, pơlam gùng dà bơtàu tơnguh tơrgùm bal, tàm tơrbŏ ală tiah, ngui niam bơta ƀuơn, bơta pràn, bơtàu tơnguh pràn kơl dang lơh sa, mpồl bơtiàn mờ sền gàr tiah ơm kis.