Tàm pơrjum, ală kwang bàng geh iat tơngume “Tềl lời wơl broă lơh sa Việt Nam nam 2022, ală kal ke, bơta lòng mờ bơta kơp kơnờm nam 2023” mờ 2, 3 jơnau tơnggit cribơyai broă mờ lơgar ndai nhai 1 mờ nhai 2 nam 2023.

Tơngume jơnau tơnggit neh pơgồp bơnah dong kwang bàng, đảng viên, cau lơh broă tàm Gah do geh bơta sền sơ wì tơrgùm jơh ală bơta, mờ uă jơnau tơnggit pa bè lơh sa Việt Nam tàm tơngai lài. Bè gùng dà ai tơlik lài tàm quý 2 tus, Đảng ủy Gah ală anih lơh broă dà lơgar sồr, ală Đảng ủy gơ wèt Gah do pơn jat tai lơh jat mờ tơrgùm lam lơh geh cồng nha Nghị quyết pơrjum dờng dơ̆ 13 bơh Đảng dê, broă rơndap lơh bơtàu tơnguh lơh sa 10 nam, bơh nam 2021 tus nam 2030, Broă rơndap lơh bơtàu tơnguh lơh sa mpồl bơtiàn 5 nam, bơh nam 2021 tus nam 2025; Jơnau pơn dut bơh Đảng dà lơgar, Ƀộ Cíñ trị mờ Ƀan Bí thư dê mờ Nghị quyết bơh Quôk hội dê bè Broă rơndap lơh bơtàu tơnguh lơh sa mpồl bơtiàn nam 2023. Pơn jat tai tam klac, pơn đơl pràn, lơh ngan lơh broă uă ngan rlau jơh; bơsong kal ke, ai geh tŭ niam nàng sơlơ chồl pràn bơtàu tơnguh wơl mờ bơtàu tơnguh lơh sa mpồl bơtiàn.