VOV4.K’ho- Bơh ngai 15 tus ngai 17/02, tàm hìu bơsram kao đẳng mpồl bơtiàn Dăk Nông, Tổng Kông ty Tân Cảng Sài Gòn neh bơyai lơh pơrjum yal tơnggit mblàng jơnau bè dà lềng, bồt dà lềng nam 2022.

Tàm dơ̆ mblàng yal, ală kơnòm bơsram, cau bơsram dờng hìu bơsram kao đẳng mpồl bơtiàn Dăk Nông geh kwang bàng bơh Hải đoàn 29, Tổng kông ty Tân Cảng Sài Gòn yal ală tơngume kuơmàng bè anih, gơnoar broă, bơta kuơmàng bơh dà lềng, bồt dà lềng Việt Nam dê; gùng dà, broă lơh bơh Đảng mờ dà lơgar he dê tàm broă bơsong ală broă gơlik geh tàm dà lềng đah mat tơngai lik; gơnoar broă bơh ling dà lềng Việt Nam dê tàm broă atbồ, sền gàr kơ̆ kơljap gơnoar tờm bồt dà lềng mờ kung mblàng yal, gơ hòi gơ jà cau lơh broă bơt bơtàu ling dà lềng kac màng, cíñ quy, ngac ngar, tam gơl pa tàm tŭ tơngai pa. Di tŭ do, Tổng Kông ty Tân Cảng Sài Gòn jàu 3 nơm hìu nùs nhơm kờp priă 240 tơlak đông bal mờ 60 bơnah phan pà ală hìu bơnhă in gàr kơ̆ kơljap rài kis pơn jat tai lơh ngan bơtàu tơnguh lơh sa nàng lik klàs rƀah.

Cau mblàng K’Duẩn