Ala mat Anih duh broă làng bol càr Quảng Ninh neh dờp bồng bi mờ gơ gơs là càr bơyai lơh pơrlòng jơnau đơs gùt lơgar dơ̆ 17 nam 2026. Tơnơ̆ 1 tŭ tơngai lơh broă jal mhar, jơh nùs mờ bềng kơnòl, Mpồl duh broă dar dut ndơl dơ̆ pơrlòng jơnau đơs gùt lơgar dơ̆ 16 neh rơ wah nàng jàu 28 khà jờng Biàng, 58 khà jờng màh, 71 khà jờng lơngô, 63 khà jờng pơn jờng mờ ală khà jờng kuơmàng ndai.

Tàm pơrlòng dơ̆ do, Anih lơh broă sùm tiah Tây Nguyên bơh Anih jơnau đơs Việt Nam dê geh khà jờng Lơngô mờ jơnau cih “Pin dờn jat Đảng, cau Rơđê dùl nùs bal bơt bơtàu ƀòn lơgar”. Pơrlòng pờ tơlik jơnau đơs dơ̆ 16 geh đơs là lơh geh cồng nha tàm uă bơta, jơh bal bè khà, bơta niam ală jơnau sră ƀău tus bal pơrlòng, bơta chài lơh ƀău pa ngan, mờng chài jơh bal bè broă lam lơh mờ pràn jak bơyai lơh.