Nam bơsram 2024-2025, càr Dăk Lăk geh 12 tàm 53 hìu bơsram kấp pe Dà lơgar lơh jat broă lơh pơrlòng rơ wah mut bơsram ơdŭ 10, gơguh 9 hìu bơsram pơndrờm mờ nam bơsram lài. Bulah khà hìu bơsram bơyai lơh pơrlòng gơguh, mơya khà cau pơrlòng cih mat dan tus bal pơrlòng mut tàm ală hìu bơsram chuyên kung gam tàm khà uă.

Tàm hơ̆, uă ngan rlau jơh là Hìu bơsram kấp pe chuyên Nguyễn Du geh rlau 1 rơbô nă cau pơrlòng tus bal dan cih mat pơrlòng, khà rơ wah kờp bal 1 tàm 3. Mìng is môn dà Mỹ geh khà “pơrlòng” uă ngan rlau jơh là tàm 1 tàm 6. Dơ̆ pơrlòng rơ wah mut bơsram ơdŭ 10 nam do, jơh gùt càr Dăk Lăk geh rlau 7 rơbô 800 nă cau tus bal pơrlòng tàm 12 hìu bơsram; geh bơyai lơh tàm ală ngai 7 mờ 8 nhai 6. Jat broă rơndăp lơh, broă ai điềm pơrlòng lơh sir lơyài ngan rlau jơh là ngai 14/06; yal điềm tơl khà mờ sră cih mat kơnòm bơsram gơ kờn tàm ngai 21/06.