Pơrlòng tàp pràn să jan geh lơh bơh ngai 12 tus ngai 17/12. Geh 633 nă cau pơrlòng tus bơh 54 càr, ƀòn dờng tàm gùt lơgar tus bal dơ̆ pơrlòng tàp pràn să jan. Ală cau pơrlòng tus bal pơrlòng tàm 9 tơngume: jơnau git wă bal bè sền gàr dà lơgar mờ sền gàr lơngăp lơngai; mpồl tiểu đội; mpồl nă dùl nă ờ geh phàu; bơta chài kâp kứu, ntrờn jun cau sồt să; to gar nat ngài di jơnau kờñ; tă crăp phàu tiểu liên AK; ngui ală bơta chài kuơmàng tŭ tam lơh; ntoat 800 thơk; cuh phàu tiểu liên AK.

Môn bơto bơtê sền gàr dà lơgar mờ sền gàr lơngăp lơngai neh dong kơnòm bơsram kâp 3 tàm gùt lơgar dờng pràn tơl làm, geh ală jơnau git wă bơh sơn rờp bè ală tơngume kuơmàng bơh rài sền gàr dà lơgar gùt làng bol, sền gàr lơngăp lơngai làng bol; bơhiàn tam lơh dră wơl bol sò tơm bơh bơdìh bơh jơi bơtiàn dê, mpồl ling làng bol mờ bơta chài ling klàng Việt Nam dê.