VOV4.K’ho- Mờ rlau dùl lồ ù lơh kòi sre mờ tam biăp sa ală bơta, tàm nam 2021, bulah geh tŭ tìp kal ke bè drà tăc bro tài gơrềng bơh kòp dờng Kovid-19, mơya kơnờm tam phan jăt broă lơh tam jơh phan do hơ̆ sồng tam tai phan ndai, hìu bơnhă ồng K’Pìn ơm tàm xã Dà Ròn, kơnhoàl Đơn Dương, càr Lâm Đồng kung gam lơh geh sơl priă jền ai hìu bơnhă in. Mùl màl, tơn jơh dùl nam tam biăp, kờp jơh ală priă tă tam mờ ngui sa, hìu bơnhă ồng gam tềm pềr geh rlau 60 tơlak đong. Den tàng bè hơ̆, sa tềp kung geh hìu bơnhă blơi prăp wil tơl ală phan ngui sa pal geh nàng chờ hờp bal mờ ƀòn lơgar.

Ồng K’Pìn, đơs: Di tàm dơ̆ sa tềp, hìu bơnhă tam rlau 1 sàu bơkàu, kung ờ gŏ uă ir sơl, giă den gơ jăt tàm drà, tam dùl êt sa dùl êt, tam uă sa uă. Bơdìh mờ lơh kòi sre, hìu bơnhă kung geh lơh tai sơl ală bơta biăp phan sa ndai. Bulah giă tăc bro geh tŭ bè do geh tŭ bè ne, mơya hìu bơnhă kung gam lơh priă jền sùm sơl. Sa tềp tus den hìu bơnhă kung bơyai lơh bè jơh ală cau sơl, geh phan lơi he chờ hờp phan hơ̆. Kung lơh iar, sa ada sơl, bàr pe drăp tơrnờm nàng jà ală oh mi kồñ wa tàm thôn ñô sa bal, tam pà bal bơta chờ hờp mờ hìu bơnhă.

Cau mblàng Lơ Mu K’Yến