Quân đoàn 3 geh tơlik mat tàm ngai 26/3/1975 tàm ală bơta tơrgùm dùl jơh ală mpồl ling tờm tàm ù tiah Tây Nguyên dê gơ gơs Quân đoàn tờm ntrờn làm bă tiah. Quân đoàn 3 neh tơngŏ gơnoar broă là mpồl ling tờm, tă pơgồp dờng màng tàm broă tơng klàs Tây Nguyên mờ lơh tus tơngklàs jơh tiah đah Jum, tơrgùm dùl Dà lơgar tàm ngai 30/4/1975.

Tàm dơ̆ crơng gơs mờ bơt bơtàu, sền gàr Dà lơgar, Quân đoàn 3 neh tam klăc đềt mềr, jơh nùs ngan mờ kấp ủy, gơnoar atbồ mờ làng bol ală jơi bơtiàn tàm tiah lơh pôs đồng dê; tă pơgồp kwơ màng ai bơta bơtàu tơnguh lơh sa, lơngăp lơngai sền gàr Dà lơgar bơh càr Gia Lai dê đơs is, ală càr tàm tiah Tây Nguyên đơs bal. Mờ ală cồng nha neh lơh geh jak chài uă ngan tàm rài tam lơh mờ tàm broă lơh bơt bơtàu mờ sền gàr Dà lơgar, Quân đoàn 3 chờ hờp ngan geh Đảng mờ Dà lơgar pà sră jờng rơ Cau ling khin cha jak chài Mpồl ling phàu crong làng bol tàm ngai  20/12/1979; 81 mpồl cau mờ 47 nă cau dồ nă să is geh Đảng, Dà lơgar pà sră jờng rơ Cau ling khin cha jak chài mpồl ling phàu crong làng bol. Tàm hơ̆ geh 9 mpồl cau geh pà sră jờng rơ Cau ling khin cha jak chài dơ̆ 2, Lữ đdoàn CB7 mờ Trung đoàn BB66 geh pà sră jờng rơ Cau ling khin cha jak chài dơ̆ 3 tàm rài tam gơl pa dê.