VOV4.K’ho - Ngai òr (10/05), tàm kơnhoàl Kon Plông, càr Kon Tum, Đảng ủy mpồl đơng lam Quân khu 5 pơgồp bal mờ Thường trực Tỉñ ủy, UɃÑZ càr Kon Tum bơyai lơh broă bal mờ ală Cơl dŭ lơh broă Tỉñ ủy mờ UɃÑZ gơwèt 11 càr, ƀòn dờng bè kơnòl ling klàng, sền gàr bơta lơngăp lơngai dà lơgar, tàm hơ̆ geh ală càr, ƀòn dờng: Kon Tum, Đà Nẵng, Quảng Nam, Quảng Ngãi, Bình Định, Phú Yên, Khánh Hòa, Ninh Thuận, Gia Lai, Dăk Lăk, Dăk Nông.

                                                          Dơ̆ kĭ hơ pơgồp bal lơh broă

Jăt mờ hơ̆, ală anih lơh broă pơn jăt tai lơh jăt nền nòn, bơyai lơh jăt nền nòn ală nghị quyết, jơnau sồr bơh gơnoar atbồ tàm bơta tờm là Nghị quyết pơrjum dờng Đảng gùt lơgar dơ̆ 13, Nghị quyết pơrjum dờng Đảng ƀộ ală càr, ƀòn dờng mờ pơrjum dờng Đảng ƀộ Quân khu 5. Pơn jăt tai geh sùm bơta niam tàm broă lơh bal mờ lơh jăt geh cồng nha Kơrnoăt pơgồp bal đah ală anih lơh broă bơh ală càr, ƀòn dờng dê mờ anih lơh broă quân khu đơs bal, đah ală Anih lơh broă tàm tiah do đơs is.

Cau mblàng Ndong Brawl