VOV4.K’ho- Pơn jat tai broă lơh pơrjum dơ̆ 3, ngai do, 03/06, ală kwang bàng Quôk hội cribơyai tàm mpồl bè Rơndap lơh Adat Nhơm zờu (tam gơl). Rơndap broă lơh Adat Nhơm zờu (tam gơl) nàng kờñ bơsong 6 mpồl broă, tàm hơ̆ geh: Ală jơnau cih geh gơrềng tus sră pơr gon nhơm zờu; bè lùp kờp tờm mờ jat rơndap broă; kĭ ring bal rơndap broă lơh nhơm zờu tàm hơ̆ geh ală tơngai lòt jòi mờ tơnhào nhơm zờu; jơnau cih bal ai broă lơh jat rơndap broă lơh nhơm zờu jat dùl ròt bơh lòt jòi, tơnhào, pơdiang mờ bơsong; mơkung dong kờl bơcri priă gơwèt mờ rơndap broă lơh nhơm zờu jat bơnah nhơm zờu bơh sră pơrgon nhơm zờu dê.

Bơta pa tàm rơndap broă lơh adat do dê hơ̆ là broă lơh dong kờl priă dia priă lơh geh bơh mpồl lơh sa kă bro 25% mờ khà priă ai wơl priă tă uă ngan rlau jơh là 80% mut ngui gơwèt mờ bơnah nhơm zờu geh dờp geh broă lơh dong kờl bơcri priă kwơ màng. Mờ ală mpồl broă lơh geh ai tơlik tàm dơ̆ tam gơl dơ̆ do dê geh kơ̆p kơnờm geh lơh mhar mờ broă lơh lòt jòi, nàng jòi gŏ khà nhơm zờu pa nàng tơmut tàm broă tơnhào nhơm zờu, mơkung bơsong geh huàc huơr tàm broă lòt jòi, mờ tơnhào.

Cau mblàng K’Hạnh