Ală kwang bàng Quốk hội tơlik nùs nhơm ring bal mờ jơnau yal bơh Cíñ phủ đơs bè broă gơguh geh broă brồ guh, lơh sa dờng kơl jăp, ală tàm pơnring dờng bơh gah lơh sa tờm geh gàr niam, bơcri priă dà lơgar geh 17,4% broă rơndăp lơh, uă ngan tàm 4 nam rê hờ do, là bơta tờm lơh pràn tơrgùm jơnau kờñ tàm lơgar.

Tàm bơta uă kal ke, ală kwang bàng đơs nền: bơta àng geh dờp ngan là tiah lơh sa suơn sre pơn jăt tai ai tơngŏ gơnoar broă tờm dong kờl bơh gah lơh sa dê, gàr niam rài kis lơh broă sa mpồl bơtiàn, tơl phan sa dà lơgar. Lơh sa suơn sre, làng bol lơh broă sa, ƀòn lơgar gam tam gơl tàm broă bơ̆t bơtàu ƀòn lơgar pa mờ geh ală broă pơgồp bal niam tàm khà gơguh lơh sa.