VOV4.K’ho- Drim ngai 14/06, Quốk hội cribơyai tàm Hìu pơrjum bè rơndap lơh Adat Lơh jat làng bol lơh tờm tàm lơgar. Lài mờ dơ̆ cribơyai, uă jơnau đơs ring bal bơta pal geh ai ngui Adat, tài bơh làng bol lơh tờm là broă lơh nàng làng bol in lơh jat gơnoar lơh tờm, tơngŏ nùs nhơm, bơta kơ̆p kờñ, bơta kwơ mờ gơnoar bơh he dê, tus bal tàm ală broă lơh bơh Dà lơgar mờ mpồl bơtiàn dê. Mơya sồr pal cih ngan ngồn ală broă lơh yal loh làng jơnau yal, kơnòl bơh cau atbồ tàm tŭ lơh jat Adat Làng bol lơh tờm tàm ƀòn lơgar.

Lài hơ̆, cribơyai tàm mpồl bè rơdap lơh Adat lơh jat làng bol lơh tờm tàm ƀòn lơgar, uă kwang bàng Quốk hội geh jơnau đơs pal kờp sền wơl ală broă lơh yal loh làng jơnau yal, kung bè jơnau cih kơnòl bơh cau atbồ tàm tŭ lơh jat Adat Làng bol lơh tờm tàm ƀòn lơgar. Xã, sơnah ƀòn, thị trấn là kấp lam lơh jat tơn, ai ală gùng dà broă lơh tơmut tàm rài kis mờ do kung kà kấp rềp mờ làng bol ngan rlau jơh. Den tàng bè hơ̆, yal loh làng, song dơ pă tàm tŭ lơh jat làng bol lơh tờm tàm ƀòn lơgar pal geh kơlôi sơng nền nòn, gàr niam jơnau đơs “làng bol gĭt, làng bol cribơyai, làng bol lơh, làng bol lòt sền, làng jat sền mờ làng bol dờp geh ală bơta”.

Cau mblàng K’Hạnh