Bơh uă dơ̆ cribơyai tàm ală dơ̆ pơrjum, bơh pơrjum lài, tus tŭ do kung gam uă jơnau đơs krơi is sơl gùt dar jơnau cih bè ai priă Bảo hiểm xã hội 1 dơ̆, bulah mpồl cih jơnau neh iăt kơno, tam gơl wơl ală broă lơh neh đơs lài do.

Jat jơnau rcang cih Adat Bảo hiểm Xã hội (tam gơl) yal mờ Quôk hội in dơ̆ do, bơta ai priă Bảo hiểm xã hội dùl dơ̆ gơwèt mờ cau ờ hềt tơl 20 sơnam tong priă Bảo hiểm xã hội geh 2 broă lơh. Broă lơh dơ̆ 1, cau lơh broă geh tam pà gơs 2  mpồl. Jat hơ̆, mpồl cau lơh broă sơnđờm blơi Bảo hiểm xã hội bơh ngai Adat do geh mut ngui ngan ngồn den ờ geh ai priă Bảo hiểm xã hội dùl dơ̆ ờ. Broă lơh dơ̆ 2: Cau lơh broă geh ai priă Bảo hiểm xã hội dùl bơnah mơya uă ngan rlau jơh ờ uă ir 50% kờp jơh tŭ tơngai neh tong priă tàm kes priă ơm rlô lơh broă mờ chơ̆t jê.