VOV4.K’ho - Drim òr (06/06), Pơrjum dơ̆ 3, Quốk hội khoă 15 cri bơyai tàm mpồl bè gùng dà broă bơcri priă lơh 3 rơndăp broă lơh gùng ntoăt jờl Châu Đốc - Cần Thơ - Sóc Trăng tơngai sơnrờp; Khánh Hòa - Buôn Ma Thuột tơngai sơnrờp; Biên Hòa -Vũng Tàu tơngai sơnrờp mờ gùng dà bơcri priă lơh 5 rơndăp broă lơh gùng jăt gah 4 tiah càr lơgar Hà Nội mờ rơndăp broă lơh gùng jăt gah 3 ƀòn dờng Hồ Chí Minh.

Uă kwang bàng tơlik nùs nhơm ring bal mờ gùng dà bơcri priă lơh 5 rơndăp broă lơh gùng lòt nàng tơnguh bơtàu lơh sa mpồl bơtiàn, tơnguh bơtàu broă lơh gùng ring bal, bơsong broă kòl gùng tàm broă pơn diang phan kă bro, tơmù rềs àr tàm gùng lòt. Mơya, ală kwang bàng kung pơgồp bal jơnau đơs mùl màl, dan Cíñ phủ lơh loh ờ uă tơngu me tàm gùng dà bơcri priă kung bè ală gùng dà broă lơh jăt rơndăp broă. Gơwèt mờ 3 rơndăp broă lơh gùng Châu Đốc - Cần Thơ - Sóc Trăng; Khánh Hòa - Buôn Ma Thuột; Biên Hòa -Vũng Tàu; geh ờ uă kwang bàng tơlik nùs nhơm ờ sŭk tài gơrềng uă tus bă ù brê, tàm hơ̆ mìng is rơndăp broă lơh gùng Khánh Hoà – Buôn Ma Thuột pal tam gơl bă ù brê tus rơlao 219 rơbô lồ.

Cau mblàng Ndong Brawl