VOV4.K’ho - Ngai do (25/05), pơrjum dơ̆ 3, Quốk hội khoă 15 pơn jăt tai broă pơrjum mờ uă tơngu me kwơ màng. Ƀùi drim Quốk hội cri bơyai tàm mpồl bè jơnau sền wơl, bơtơl cồng nha lơh jăt rơndăp broă tơnguh bơtàu lơh sa mpồl bơtiàn mờ kes priă dà lơgar nam 2021; broă lơh jăt rơndăp broă tơnguh bơtàu lơh sa mpồl bơtiàn mờ kes priă dà lơgar ală nhai bồ nam 2022; Kĭ kơrnoăt tơn jơh kes priă dà lơgar nam 2020; broă lơh jăt broă tềm pềr, sơndră mờ hoàc huơr nam 2021; Broă tơn jơh broă lơh jăt Nghị quyết sồ 42 bơh Quốk hội bè tơrlòng bơsong dồs ờ niam bơh ală mpồl ai càn priă mờ broă tơnjŏ tơngai ngui jơh kơrnoăt tàm Nghị quyết sồ 42.

Ƀùi mho, Quốk hội iăt jơnau yal, jơnau lùp sền rơndăp broă lơh adăt kham kòp, sơm kòp (tam gơl); jăt jơnau yal mblàng, dờp iăt, lơh niam wơl rơndăp broă lơh adăt Lơh lơma (tam gơl) mờ Cri bơyai tàm hìu pơrjum dờng bè ờ uă tơngu me gam geh jơnau đơs ờ ndrờm bal tàm rơndăp broă lơh adăt lơh lơma (tam gơl).

Cau mblàng Ndong Brawl