Ală kwang bàng jờng rơ ngan cồng nha geh 2 rbô 216 jơnau dan bơh cau tĕ khà dê pơyua tus Pơrjum dơ̆ 07 in geh tơrgùm wơl mờ pơyua tus ală anih lơh broă geh gơnăp gơnoar in bơsong (lơh geh 99,7%).

Nàng ală jơnau dan geh dờp, sac rwah mờ bơsong wil tơl, ală kwang bàng Quôk hội sồr lơh lơh ală anih ơn prăp jơnau yal tơnggĭt tàm tơrbŏ bal tàm tŭ dờp, bơsong jơnau dan bơh cau tĕ khà dê nàng gơ in ai broă dờp, săc rwah mờ jăt sền ală tŭ bơsong jơnau dan bơh cau tĕ khà dê, pleh jơnau jun sră ndrờm bal, tơrmù ƀà bơta kơn jơ̆ ai ală anih lơh broă geh gơnoar in tàm ală tŭ bơsong. Kwang bàng Quôk hội mò Nguyễn Thị Ngọc Xuân, gơ wèt Mpồl Kwang bàng Quôk hội càr Bình Dương, sồr: tơnơ̆ pah dơ̆ pơrjum Ủy ƀan Thường vụ Quôk hội săc rwah bàr pe jơnau đơs, jơnau dan ờ hềt geh bơsong nàng jăt sền lơh geh bơta gơ tam gơl loh làng tàm bơta geh ngan.