Pơn jat tai dơ̆ lơh broă bơh Pơrjum dơ̆ 7, Quôk hội khoă XV dê, ngai do (30/5), Quôk hội mut tàm ngai lơh broă dơ̆ 10 mờ ală tơngume kuơmàng gơ rềng tus jơnau kờp dŭ Broă lơh jat sền bơh Quôk hội dê nam 2025; Broă lơh lơh adat boh lam, kơrnuat boh lam nam 2025, tam gơl Broă lơh lơh adat boh lam, kơrnuat boh lam nam 2024; kờp sền jơh tă dơ̆ ngui kes priă dà lơgar; Adat lơh mờ măi mok sền gàr dà lơgar, sền gàr lơngăp lơngai mờ hòi jà lơh mờ măi mok.

Sơn đờm dơ̆ pơrjum ƀùi drim, Quôk hội iat Kwang gơnoar cih Quôk hội sền sră yal bè jơnau kờp dŭ Broă lơh jat sền bơh Quôk hội dê nam 2025 mờ tơrgùm cribơyai tàm hìu pơrjum bè jơnau kờp dŭ broă lơh jat sền do. Pơn jat hơ̆, Kwang geh jơng tàm Ủy ƀan Thường vụ Quôk hội, Kwang atbồ Ủy ƀan Adat boh lam bơh Quôk hội dê sền sră yal bè jơnau kờp dŭ Broă lơh lơh adat boh lam, kơrnuat boh lam nam 2025; tam gơl Broă lơh lơh adat boh lam, kơrnuat boh lam nam 2024. Tơnơ̆ bơnah yal bơh Kwang atbồ Ủy ƀan Adat boh lam bơh Quôk hội dê, Quôk hội cribơyai tàm hìu pơrjum bè ală tơngume gơ rềng tus jơnau kờp dŭ tơngume lơh broă.