Mŭt tus poh lơh broă dơ̆ 2 bơh pơrjum dơ̆ 08 dê, drim do 28/10, Quôk hội iăt Kwang ătbồ Anih duh broă Lơh sa Quôk hội dê ồng Vũ Hồng Thanh, Phó Kwang ătbồ Mpồl Jăt sền Quôk hội dê sền Jơnau yal bơh Mpồl jăt sền Quôk hội dê bè broă lơh jăt gùng dà broă lơh, adăt boh lam bè ătbồ drà kă bro ù tiah hìu đam mờ lơh uă hìu ơm ai cau rƀah in bơh nam 2015 tus jơh nam 2023. Ală cau ala măt sền video clip bè broă lơh jăt gùng dà broă lơh, adăt boh lam bè ătbồ drà kă bro ù tiah hìu đam mờ lơh uă hìu ơm ai cau rƀah in bơh nam 2015- 2023.

Pơn jăt hơ̆, Quôk hội cribơyai tàm hìu pơrjum bè Jơnau yal bơh Mpồl Jăt sền dê mờ jơnau rơcăng cih Jơnau lơh nền tàm pơrjum Quôk hội dê bè cồng nha jăt sền mìng dùl tơnggume “broă lơh jăt gùng dà broă lơh, adăt boh lam bè ătbồ drà kă bro ù tiah hìu đam mờ lơh uă hìu ơm ai cau rƀah in bơh nam 2015 tus jơh nam 2023”. Kwang bàng Cíñ phủ geh gơrềng mblàng yal, lơh loh bàr pe broă cau ala măt Quôk hội dê đơs.