Uă kwang bàng Quôk hội đơs nền, tac bro kòn bơnus geh Liên hợp quôk đơs là 1 tàm 4 bơta cau tìs ngòt rơngơt ngan rlau jơh. Tơngai lài, bơta tac bro kòn bơnus kung gam pơn jat tai gơlik geh kal ke tàm gùt dunia, mờ kai ngai sơlơ lac lèu, tràl sơbil, lơh gơbàn jơnau gơ lời wơl kơn jơ̆ ngan. 

Đơs bè broă lơh pa tàm rài kis mpồl bơtiàn là tac bro kòn gam bun tàm ndul mè, ală kwang bàng đơs là, do là broă lơh ngòt rơngơt ngan ai mpồl bơtiàn in mờ lơh tìs bơta niam chài, bơhiàn bơh yau, mơya adat boh lơh glài kup jàm Việt Nam tŭ do ờ hềt geh jơnau cih mùl màl tam gơl bơta do. Den tàng, pal bơtơl yă kơnòl lơh glài kup jàm tàm bơta tac bro kòn gam bun tàm ndul mè.