VOV4.K’ho- Mho ngai 10/01, pơn jăt tai Dơ̆ pơrjum nisơna dơ̆ dùl, Quôk hội cribơyai pờ tơn tàm internet bè gùng dà bơcri priă Rơndăp broă lơh gùng rơndeh ô tô ntoăt răt đah tô- đah jum tiah đah măt tơngai lik tơngai bơh nam 2021- 2025.

Tàm dơ̆ cribơyai, kwang bàng dùl nùs ring bal uă ngan broă bơcri priă lơh gùng rơndeh ô tô ntoăt răt đah tô- đah jum tiah đah măt tơngai lik. Broă bơcri priă lơh ờ mìng tơnguh uă bơta pràn jak tàm pơrlòng bơh rài lơh sa dê tàm tơngai mŭt gơrờm bal mờ dunia jrô ơnàng làm uă, mờ gam pơgồp bơnah lơh sir rơndăp tăp sèng gùng lòt dùl ròt bal mờ ală broă lơh pa ngan rài do dê, lơh gơlik bơta pràn lơh gơrề nàng dong bơtàu tơnguh lơh sa- mpồl bơtiàn mờ sền gàr niam dà lơgar- lơngăp lơngai. Kwang bàng sồr pal lơh loh bơta dipal bơh rơndăp broă lơh dê mờ bơta jŏ jòng, broă rơndăp lơh bơtàu tơnguh lơh sa- mpồl bơtiàn mờ ală rơndăp ù tiah geh gơrềng. Mho ngai 11/01, Quôk hội pơrjum tơn jơh Dơ̆ pơrjum nisơna dơ̆ dùl.

            Cau mblàng Lơ Mu K’Yến