VOV4.K’ho- Pơn jăt tai pơrjum dơ̆ 3, Quôk hội khoă XV, drim ngai 26/05, Quôk hội cribơyai tàm hìu pơrjum bè bàr pe tơngume gam geh jơnau đơs krơi is bơh rơndăp lơh Adat Kảñ sát kơ động dê. Tàm dơ̆ cribơyai, ală kwang bàng Quôk hội tơngŏ bơta ring bal uă gơwèt mờ jơnau yal mblàng yal lơh loh, iăt kơno, lơh tam gơl wơl rơndăp lơh Adat Kảñ sát kơ động.

Nàng pơn jăt tai lơh sir jơnau rơcăng cih rơndăp lơh Adat Kảñ sát kơ động, ală kwang bàng Quôk hội neh tơrgùm tă pơgồp jơnau đơs lơh sir gơs ală broă dờng, jơnau cih bè gơnoar broă, kơnòl broă, gơnăp gơnoar, nàng kờñ bơ̆t bơtàu mpồl kảñ sát kơ động kăc mạng, cíñ quy, jak chài, pa ngan. Nàng mpồl kảñ sát kơ động lơh sir niam kơnòl broă “krơi is”, ală kwang bàng Quôk hội kung tă pơgồp jơnau đơs bè gơnoar broă đơng lam, pơgồp bal mờ ală mpồl ndai tàm ală kơnòl broă, bè: sền gàr lơngăp lơngai, rơndăp tăp sèng tiah nhàr lơgar, drơng lơh broă dong kờl rềs àr tàm dà lềng.

 Cau mblàng Lơ Mu K’Yến