Mho ngai 21/05, la măt Ủy ƀan Thường vụ Quôk hội, Kwang ătbồ dờng Cau gơnoar cih Quôk hội ồng Bùi Văn Cường sền Sră yal sồr tam gơl Broă lơh Dơ̆ pơrjum dơ̆ 07. Sră yal cih loh, jăt tàm jơnau đơs bơh kâp geh gơnăp gơnoar dê, lơh jăt jơnau sồr bơh adăt boh lam dê mờ jơnau sồr ngan ngồn pồ tơl mpồl kwang bàng Dà lơgar dê, tơnơ̆ tŭ sền swì jơnau dan bơh Thủ tướng dê, Ủy ƀan Thường vụ Quôk hội dan mờ Quôk hội ai gơnoar bơtơl tơngume ring bal jơnau dan bơh Thủ tướng dê bè broă geh ai lời ăt gơnoar broă Ƀộ trưởng Ƀộ Kwang àng. Tơnơ̆ hơ̆ tơn, Quôk hội neh pờ tê ring bal broă tam gơl Broă lơh Dơ̆ pơrjum dơ̆ 07.

Lài hơ̆, tàm Pơrjum dơ̆ 09, Dà lơgar ring bal uă ngan yal Kwang bàng Ƀộ Cíñ trị, Ƀộ trưởng Ƀộ Kwang àng, Đại tướng ồng Tô Lâm, nàng Quôk hội khoă XV in pồ ăt gơnoar broă Củ tịc lơgar, tơngai lơh broă bơh nam 2021- 2026. Mho ngai 21/05, tơnơ̆ tŭ cribơyai, pồ tê ring bal mat nàng pồ Củ tịc lơgar, Quôk hội neh pồ Củ tịc lơgar.