Đơs sơnđờm mut pơrjum, Củ tịc Quôk hội ồng Trần Thanh Mẫn pà gĭt, pơrjum geh bơyai lơh tàm 01 ngai, tàm Hìu lơh broă Quôk hội dê. Quôk hội neh lơh dơ̆ cribơyai, tă pơgồp jơnau đơs bè broă tơn jơh lơh broă Kwang atbồ Anih lơh broă cah rña làng bol dờng ngan rlau jơh dà lơgar; tơn jơh lơh broă Kwang atbồ Viện kiểm sát làng bol dờng ngan rlau jơh dà lơgar nàng dờp lơh kơnòl broă lơh broă ndai.

Ring bal tơn jơh lơh broă 01 Phó Thủ tướng Cíñ phủ mờ Ƀộ trưởng Ƀộ Sền gàr adat boh lam nàng dờp lơh kơnòl broă lơh broă ndai. Ring bal tơn jơh lơh broă 01 Phó Thủ tướng Cíñ phủ mờ Bộ trưởng Ƀộ Phan kwơ geh is mờ Tiah ơm kis ơm rlô lơh broă. Tơn jơh lơh broă 01 nă kwang bàng Quôk hội khoă XV. Quôk hội cribơyai, tă pơgồp jơnau đơs bè broă bơtơl 01 Phó Thủ tướng Cíñ phủ tơngai lơh broă Quôk hội khoă XV. Ring bal pồ 03 Phó Thủ tướng Cíñ phủ, Ƀộ trưởng Ƀộ Phan kwơ geh is mờ Tiah ơm kis, Ƀộ trưởng Ƀộ Sền gàr adat boh lam. Pồ Kwang atbồ Anih lơh broă cah rña làng bol dờng ngan rlau jơh dà lơgar mờ Kwang atbồ Viện Kiểm sát làng bol dờng ngan rlau jơh dà lơgar.